影片
更多
2022-11-26
2396 浏览
时近年尾会喺多咗啲饭聚，有大有小，今次同老同学短聚食餐晏昼饭，就番小弟就梗喺晌中环啦，而大家都想静静局倾吓偈，所以，揾咗「星记」。虽然佢喺中菜馆，但有别一般酒家，午市有啲小炒套餐，所以，都几划算。踏出电梯门，第一眼除咗大大个店名之外，其次就喺啲「米芝莲」奖状，虽然未摘星，但都多年获选为推介餐厅。不过，个人而言，小弟揾食就从来都唔睇「星」，口味嘅嘢都喺讲个人嘅。 走入餐厅，地方唔算话好大，但装修雅致，唔会太俗气，而且，枱与枱嘅分隔都OK，无话太逼、太局促嘅感觉。 呢度跟附近嘅酒家唔同，午市都喺做小菜，完全无点心供应，而且，仲有唔少喺贵价嘅菜式，如鲍参翅肚、龙虾、龙趸都有。 咁又唔使担心，经济实惠啲嘅有小菜套餐，一款喺多人组合嘅「午市超值套餐」，睇落贵就贵在有道龙趸；再经济啲，仲有款「特价午市小菜、粉面饭套餐」，包老火汤及甜品，定价都喺$88，啱晒我哋。当然，嚟得饮茶，仲有茗茶$15位，另收加一。 老火汤落好单，先嚟就梗喺饮啖汤先啦，老火汤每日不同，是日就喺西洋菜，呢排当造，啲西洋菜好嫩、好甜，饮落够老火，又无添加，清甜滋润。 驰名凤梨生炒骨我见好多人都会点呢道菜，餐牌亦好标榜佢，所以，
踏出电梯门，第一眼除咗大大个店名之外，其次就喺啲「米芝莲」奖状，虽然未摘星，但都多年获选为推介餐厅。不过，个人而言，小弟揾食就从来都唔睇「星」，口味嘅嘢都喺讲个人嘅。
走入餐厅，地方唔算话好大，但装修雅致，唔会太俗气，而且，枱与枱嘅分隔都OK，无话太逼、太局促嘅感觉。
呢度跟附近嘅酒家唔同，午市都喺做小菜，完全无点心供应，而且，仲有唔少喺贵价嘅菜式，如鲍参翅肚、龙虾、龙趸都有。
咁又唔使担心，经济实惠啲嘅有小菜套餐，一款喺多人组合嘅「午市超值套餐」，睇落贵就贵在有道龙趸；再经济啲，仲有款「特价午市小菜、粉面饭套餐」，包老火汤及甜品，定价都喺$88，啱晒我哋。当然，嚟得饮茶，仲有茗茶$15位，另收加一。
老火汤落好单，先嚟就梗喺饮啖汤先啦，老火汤每日不同，是日就喺西洋菜，呢排当造，啲西洋菜好嫩、好甜，饮落够老火，又无添加，清甜滋润。
驰名凤梨生炒骨我见好多人都会点呢道菜，餐牌亦好标榜佢，所以，其中一道小炒就拣佢。大大碟，外观做得几靓仔，而啲生炒骨较大粒，好肉地。 外层炸得香脆，肉质却咬落松化，每粒挂满汁，却唔会有多余嘅汁漏晒晌碟底，最正喺啲汁稀杰度啱啱好，甜酸细致，唔会有呛喉感，果然撚手！
驰名凤梨生炒骨
31 浏览
0 赞好
0 留言
咸鱼蓉鸡粒茄子煲 另一道茄子煲亦出色，送到嚟真喺烟缕四起，仲听到滋滋声晌，够晒热焫焫，此外，加入咸鱼蓉，香气更喺四溢，都咪话唔吸引。茄子煮都好腍滑，却无过火而「烂蓉蓉」，鸡粒嫩滑惹味，所以，就算一道平常嘅茄子煲，都可以做出不一样嘅效果，可谓功力加上心思。
咸鱼蓉鸡粒茄子煲
48 浏览
0 赞好
0 留言
甜品午市酒家送嘅甜品，唔喺红豆沙，就绿豆沙啦，估唔到喺一道好清润嘅糖水，咩名堂我就无问，但清润嘅糖水中有爽脆嘅雪耳、松化嘅莲子、软腍嘅红腰豆，有诚意，呢排凉凉哋就好啱饮。
叫做被「米芝莲」推介嘅，食物质素确喺唔差得去边，环境又好，啲阿姐招呼亦好唔错，不时仲帮忙添茶，又有礼㖞。
张贴
