影片
更多
2024-03-17
757 浏览
《心鉄板烧 - 尖沙咀》近排都会成日见我周围食好西，因为生日月丫嘛☺️今次同车车 @kchelseapy 又去左食铁板烧😉今次呢间餐厅位于亚士厘道既大厦入面，望住靓靓海景食饭真心系觉得好爽好满足😌今次我同车车性格比好高既铁烧精选套餐，人均$890有齐沙律、餐汤、铁板海鲜、主菜、食铁板烧必有既炒饭同炒什菜同埋甜品🍮食物既种类都几多，绝对够饱☺️💁🏻♀️野菜沙律及餐汤睇得出餐厅花咗心思喺第一道菜度，用蟹肉南瓜蓉砌成咗一个心心型嘅小菜，连沙律上面嘅玉子烧都有佢哋餐厅个名，沙律食落新鲜同埋几开胃，餐厅方面我同车车各自拣咗一款唔同嘅，我钟意黑松露蘑菇嘅味道，所以必然系要从松蘑菇汤👍🏻质地好浓稠，饮得到蘑菇嘅香浓，绝对系蘑菇汤爱好者必选之一💁🏻♀️大虎虾配蕃茄辣汁师傅制作大虎虾嘅过程我哋全程直击住，虾嘅肉质弹牙而且鲜味，虾头部份有虾膏可以一并食埋，配上微微香辣嘅蕃茄汁，食落几开胃，师傅将虾脚都煎到脆卜卜，可以一并食埋💁🏻♀️大连鲍鱼配脆煆酱接住落嚟就系食鲍鱼嘅时间，鲍鱼嘅海水味重，我个人觉得同个脆虾酱嘅味道好夹，虽然呢度菜个重点系鲍鱼，但系我觉得个脆虾酱完全系意料之外好食，鲍鱼滑弹牙，本身已经带有咸香
近排都会成日见我周围食好西，因为生日月丫嘛☺️今次同车车 @kchelseapy 又去左食铁板烧😉今次呢间餐厅位于亚士厘道既大厦入面，望住靓靓海景食饭真心系觉得好爽好满足😌今次我同车车性格比好高既铁烧精选套餐，人均$890有齐沙律、餐汤、铁板海鲜、主菜、食铁板烧必有既炒饭同炒什菜同埋甜品🍮食物既种类都几多，绝对够饱☺️
💁🏻♀️野菜沙律及餐汤
睇得出餐厅花咗心思喺第一道菜度，用蟹肉南瓜蓉砌成咗一个心心型嘅小菜，连沙律上面嘅玉子烧都有佢哋餐厅个名，沙律食落新鲜同埋几开胃，餐厅方面我同车车各自拣咗一款唔同嘅，我钟意黑松露蘑菇嘅味道，所以必然系要从松蘑菇汤👍🏻质地好浓稠，饮得到蘑菇嘅香浓，绝对系蘑菇汤爱好者必选之一💁🏻♀️大虎虾配蕃茄辣汁
师傅制作大虎虾嘅过程我哋全程直击住，虾嘅肉质弹牙而且鲜味，虾头部份有虾膏可以一并食埋，配上微微香辣嘅蕃茄汁，食落几开胃，师傅将虾脚都煎到脆卜卜，可以一并食埋
💁🏻♀️大连鲍鱼配脆煆酱
接住落嚟就系食鲍鱼嘅时间，鲍鱼嘅海水味重，我个人觉得同个脆虾酱嘅味道好夹，虽然呢度菜个重点系鲍鱼，但系我觉得个脆虾酱完全系意料之外好食，鲍鱼滑弹牙，本身已经带有咸香味，好满足😌
💁🏻♀️石班柳配他他酱
接住落黎既都系海鲜，软滑既石班鱼块经过煎香后外皮微脆又带点烟韧，旁边有件腌渍咗嘅蕃茄干，有助为鱼肉提鲜，再点上特制既他他酱后，味道会更加香浓
💁🏻♀️特级牛柳配梅渍
我终于到左主菜啦，我同车车一人一款菜式share食，特级牛柳咬落软熟无渣，五成熟就最啱不过了，厨师已经为牛肉轻轻调味，唔洗再额外点酱汁，食完再食埋粒梅渍蕃茄就啱晒💁🏻♀️神户黑豚薄烧配苹果蓉
另一个主菜我地拣左黑豚肉薄烧，个人觉得口味比牛柳更加浓郁重味，豚肉包住左韩国泡菜，味道辣辣地，配上清清地既苹果蓉可以中和番油腻感，好创新既配搭
💁🏻♀️樱花虾高菜渍炒饭及炒什菜
最后一道菜当然系炒饭同炒杂菜，师傅喺我哋面前用铁板炒饭，可以睇到佢既手势之余，个香味爆发出黎都的确系会令人胃口大开，饭炒得够干身，粒粒分明而且带有油香，樱花虾为个饭带出左另一层鲜味同口感，而最正嘅一定要改面头𠮶个荷包蛋，蛋汁混和埋炒饭一齐食简直系完美嘅配搭；而炒什菜既味道清新又爽口，芽菜爽脆得黎又清甜，食完个炒饭之后清清味蕾就最好不过
💁🏻♀️开心果雪糕配焦糖脆多士
甜品方面，师傅都好用心去制作，超开心嘅系竟然有开心果雪糕可以选择，个焦糖多士即场制作，脆卜卜用嚟点雪糕就最夹啦，开心果雪糕唔算太甜，奶味较重，仲食到粒粒嘅果仁☺️最开心嘅系店员喺碟上面画咗两只好可爱嘅公仔俾我哋😊睇得又食得
张贴
