影片
更多
2016-06-14
565 浏览
之前去东京公干，已经去过京林屋「朝圣」，对佢既抹茶甜品一试难忘，今次黎到香港开店，究竟味道有无走样？几钟意呢度既装修，简约既木色系，同日本差唔多。两个甜品控，打开餐牌咩都想试，最后叫左四款，饱到反艇！「香港限定芭菲」($98)，呢个系必食推介，因为材料真系异常丰富：抹茶雪糕、抹茶蕨饼、糯米丸子、蛋糕、啫喱、红豆、忌廉、士多啤梨，可以一次过满足好多个愿望！抹茶雪糕够香滑，抹茶味浓，有奶香，正！ 抹茶蕨饼有D似蒟蒻，清淡既抹茶味，完全系另一种口感； 糯米丸子软绵绵够烟靭；士多啤梨有少少果Jam Feel，好幸福既甜味，整体上感觉好好。「焙茶芭菲」($88) 既阵容都唔弱：焙茶雪糕、云呢拿雪糕、糯米丸子、梨子肉。焙茶雪糕既茶味更浓，无抹茶咁甜，如果男仔唔太好甜，呢个都应该啱食。「抹茶卷蛋，配玫瑰苹果煎茶」($108)，卷蛋好松软，忌廉够滑，抹茶味香浓，好得；比起刚才既芭菲，呢款抹茶雪糕既颜色更深、抹茶味更香浓。同一款卷蛋我响东京都有食过，觉得香港店同东京店一样做得出色，完全无走样。呢个套餐可以自选煎茶，旁边有个漏斗，俾你计算焗茶既时间，相当细心。煎茶系茶叶黎，可以冲三杯左右，淡淡既果味，解甜
几钟意呢度既装修，简约既木色系，同日本差唔多。两个甜品控，打开餐牌咩都想试，最后叫左四款，饱到反艇！
「香港限定芭菲」($98)，呢个系必食推介，因为材料真系异常丰富：抹茶雪糕、抹茶蕨饼、糯米丸子、蛋糕、啫喱、红豆、忌廉、士多啤梨，可以一次过满足好多个愿望！抹茶雪糕够香滑，抹茶味浓，有奶香，正！ 抹茶蕨饼有D似蒟蒻，清淡既抹茶味，完全系另一种口感； 糯米丸子软绵绵够烟靭；士多啤梨有少少果Jam Feel，好幸福既甜味，整体上感觉好好。
「焙茶芭菲」($88) 既阵容都唔弱：焙茶雪糕、云呢拿雪糕、糯米丸子、梨子肉。焙茶雪糕既茶味更浓，无抹茶咁甜，如果男仔唔太好甜，呢个都应该啱食。
「抹茶卷蛋，配玫瑰苹果煎茶」($108)，卷蛋好松软，忌廉够滑，抹茶味香浓，好得；比起刚才既芭菲，呢款抹茶雪糕既颜色更深、抹茶味更香浓。同一款卷蛋我响东京都有食过，觉得香港店同东京店一样做得出色，完全无走样。
呢个套餐可以自选煎茶，旁边有个漏斗，俾你计算焗茶既时间，相当细心。煎茶系茶叶黎，可以冲三杯左右，淡淡既果味，解甜腻一流。
「抹茶芝士蛋糕，配葡萄煎茶」($108)，估唔到抹茶原来同芝士味可以咁夹，芝士蛋糕好Rich，都几饱肚，饼底够脆，好食！
张贴
