騷 (已結業)

平时要系诺士佛台揾间少人又静既酒吧都有点困难，加上又唔太识饮酒，大多数既drink menu都系英文，十居其九都唔知系咩饮品，有时想同啲姊妹去happy hour都几尴尬。但呢日姊妹带我黎去左呢间楼上既咖啡室格局既吧，一样有live music听，仲要系本地band。呢道既食物制作比较家庭式，比较上系属于轻盈，送酒的话唔会太heavy。蕃茄烟鸭胸意粉 ($98)意粉烟韧道刚好，茄汁味道好有屋企整既味道。黑松露大啡菇意粉 ($98)呢个意粉系无汁的，油炒再加黑椒，所以有点辣。大啡菇咬落好多水，唔会干争争。Summer (左), Encore (右) ($68)虽然见到有好多款手工啤，但呢排皮肤唔太好，所以叫左两杯mocktails。一杯Summer系热带生果菠萝同柠檬既味道，另一杯Encore系红桑苺同桃，两杯都酸酸味味。总结黎讲，呢道既格局都比较local，而且home feel，系个可以静静地坐底倾下计、听下本地音乐既一个cafe bar。