隨變火鍋

营业中

休息中

约左朋友食饭，两条佬去打边炉吹下水的确唔错。揾左间有串烧有火锅既，去到先发现可以食埋鸡煲。坐底既时候比佢包纸巾吸引左，好少见咁好会提供Tempo。烧手工鸡皮，又脆又软，咬紧既时候仲会有啲油出返黎，并唔系干哂。孜然牛肉串，好香孜然味，肉都好腍又有肉汁。回味香辣鸡煲，我地只系叫左微辣，废事太辣饮好多野。鸡都滑，食胸都唔会太嚡。汤都好浓好够味。奇脆炸鱼皮，就咁食都脆，浸一阵汤索埋啲汤更加好味。鲜爽黑柏业，好大块，煮完无乜缩水而且好爽口。顶级手切牛颈脊，雪花纹路好靓，食落好腍好香肉味，手切当然系唔同啲。不可错过手工云吞王，多虾好足料，成粒都好饱满，皮仲要够薄。棍打牛筋丸，好弹牙，多汁同有牛味。