影片
更多
2018-08-21
197 浏览
话说细佬前两日放榜，所以特登book咗枱请佢食返餐劲嘅贺一贺佢。今次我地去食嘅就系呢间Master Kama，位置相当方便，我地从旺角地铁站行咗几分钟就到啦。间餐厅系一楼，行入去发现虽然地方唔系好大，但系的的骰骰，整齐企理得嚟，都坐得几舒服下。嚟之前听人地讲过下呢度嘅卖点系芝士同埋龙虾，于是我地就嗌咗Lobster Mac N Cheese 同埋Master 分享盘，而嘢饮方面就嗌咗一杯冻柠茶同埋一杯Good-nite, Dear嘅Cocktail。 首先嚟嘅嘢食就系Lobster Mac N Cheese，我地就拣咗Macaroni长通粉，如果唔钟意食通粉既话，可以拣risotto。碟嘢一拎上枱我地就已经闻到好香嘅芝士味，同埋见到只龙虾钳。撩一撩开面头啲芝士，除咗可以做到拉丝嘅效果之外，另外就系会见到粒粒分明嘅龙虾肉，可以见到系十分之足料嘅。食落亦都系好有芝士味，唔会太腻之余亦都唔会太咸。正正系呢种芝士味，同埋啲咬落烟靭弹牙，口感Q弹嘅龙虾肉夹埋，简直系绝配。而啲长通粉亦都好有芝士味，唔会好淋。整体嚟讲个Lobster Mac N Cheese Macaroni系喺水准之上，非常之唔
今次我地去食嘅就系呢间Master Kama，位置相当方便，我地从旺角地铁站行咗几分钟就到啦。
间餐厅系一楼，行入去发现虽然地方唔系好大，但系的的骰骰，整齐企理得嚟，都坐得几舒服下。
嚟之前听人地讲过下呢度嘅卖点系芝士同埋龙虾，于是我地就嗌咗Lobster Mac N Cheese 同埋Master 分享盘，而嘢饮方面就嗌咗一杯冻柠茶同埋一杯Good-nite, Dear嘅Cocktail。
Lobster Mac N Cheese
$208
25 浏览
0 赞好
0 留言
Lobster Mac N Cheese
$208
15 浏览
0 赞好
0 留言
Master 分享盘
$168
11 浏览
0 赞好
0 留言
首先讲下啲炸鸡翼先，啲鸡翼本身已经算系大只，炸完之后都唔觉干身之余，加埋系面头嘅芝士丝，系会食得出两种唔同嘅咸香味，同埋出面脆皮、入面仍然好juicy嘅感觉。所以我觉得啲炸鸡翼系喺水准之上嘅。
至于个三重芝士鸡肉烤饼，骤眼望落去已经见到两块烤饼之间有好多溶咗嘅芝士。食落去除咗好有层次感同埋好浓郁嘅芝士味之外，亦都有唔少嘅鸡肉系入面。而块烤饼本身淋淋地，加埋块烤饼上面嘅沙律酱同埋番茄粒，食落唔会好干身之余反而几fresh下，整体而言系几好食嘅。 
然后就系啲章鱼烧，面头加咗啲紫菜条落去，增添咗一啲和风之余，粒小丸子唔会好粉或者好淋，食落去又几有口感。
芝士条面头炸到几脆下，入面啲芝士有少少流心，咬落去又脆又香，芝士味好香浓。
跟住就系啲鸡软骨饺子，原本我地都以为只系普通嘅饺子皮包住啲鸡软骨，但系估唔到竟然系炸过嘅鸡软骨 ，同埋个饺子系煎过嘅，有少少似锅贴。咁样令到只饺子皮脆得嚟，入面啲鸡软骨亦系又脆又香，所以系非常之好食。
最后系用个篮装住嘅炸薯条。啲炸薯条虽然唔算系好脆，但系都算系唔错。有D特别既系佢除咗有薯条之外，仲有比较深色D既蕃薯条，食落比薯条多了一份蕃薯独有既甜味。分享盘亦都附上两种酱汁用嚟点薯条，无论系边一只酱汁都同薯条好夹。嘢饮方面，杯冻柠茶睇落去好平常，但系杯嘢嘅特点就系个茶底，佢涩得嚟又有啲红茶嘅香味，加上冇落太多糖浆之下，杯冻柠茶又唔会太甜，反而突出咗柠檬嘅酸味同埋茶底嘅涩，整体配合得非常好，饮落系有种好fresh嘅感觉。
而杯cocktail方面系由朱古力糖浆加入去啲酒到，然后面头再加入棉花糖，令到杯cocktail饮落去甜甜地得嚟又有酒味，再加埋面头嘅棉花糖令到我哋可以一路饮cocktail一路食棉花糖，更加有质感之余，亦都增加咗杯cocktail嘅味道同埋层次。呢餐我地人均消费都只系二百五左右，但系以食物质素同埋份量嚟讲都几好，所以其实都几抵食。加上地点咁就脚嚟讲，我个人觉得大家可以不妨一试。
MENU︰
张贴
