松屋

营业中

休息中

终于去食「松屋」了，隔咗一段时间，热潮过咗，门口无人排队，直入仲可以随意拣位坐。香葱温泉蛋牛肉饭［ML］（$58）有少少失望，唔知点解，牛肉个酱汁好咸，捞埋蛋汁同饭一齐食先勉强中和到（啲牛肉本身嘅味道应该无咩问题）。L size 嘅牛，份量好足，够多可以食到最后一啖饭（另外洋葱都唔少，甜的，唔辛辣）。月见山药泥牛肉饭［M］（$48）呢款啲牛肉嘅味道就正常好多。山药话系日本产，味道正常。饭系秋田米，粒粒分明，口感唔错，但米香一般。日本三大牛肉饭，「松屋」系我嘅首选（于日本计），而香葱温泉蛋牛肉饭亦系我至爱，但可惜香港店令我有丁丁失望。