金坊泰國美食

营业中

休息中

因屋企人想食泰国菜，所以就再来试呢间泰国餐厅，屋企人食唔到太辣所以今次尽量叫无咁辣嘅菜式。今次叫咗个炸虾饼，屋企人都觉得好食，我亦觉得唔错，见有个套餐可拣三个菜式就叫咗个泰式凤爪沙律，一条鱼及青咖哩羊腩煲，个沙律就 ok 味道够辣，条鱼就差咗 d, 系无味，要点海鲜酱先好一些，个咖哩羊腩煲就好酥，青咖哩味入唔到羊肉，佢啱又做紧个泰式咖哩蟹，呢味就唔错，蟹肉好足及有蟹膏，另一叫咗半打沙嗲串烧，猪同鸡肉就几好食，牛串烧肉质好硬，再叫个海鲜炒饭及冬荫功汤，炒饭味道都唔错，有带子，虾同鱿鱼，但个冬荫功汤味道就唔正宗，汤比较酸，味道唔似真正冬荫功，佢个汤唔见有落 d 香矛及淡奶。总结都叫做有些进步，胜在唔收加一服务费，但奇怪系每位要收水费钱 $3. 如果要收加一未必会再食。