順酸辣粉

营业中

休息中

一个人嘅时候就会想食米线，呢间米线应该向屯门都开左好耐，但一直都未有机会试，今日经过门口发现原来唔单止有米线食，仲有饭类，都好多选择，而且食饭时间都差唔多满座。招牌酸辣粉<$34> 再加韮菜饺<$10>同鱼肉卷<$7>，由于第一次食，所以先试小辣，辣度比想像中温和，下次可以挑战中辣，但酸味系十足，爱酸菜嘅绝对会心心眼，鱼肉卷嘅鱼味十足，韮菜饺皮薄馅多，而且米线煮得刚刚好，唔会太淋。蒜泥白肉<$38> 肉嘅份量都好多，肥瘦比例都适中，不过个人觉得蒜蓉可以再多啲就更加好了。一边食嘅时候留意到老细同啲客人都会有讲有笑同好好笑容，小店有时候就系呢种人情味最吸引。