小天使餐廳 (已結業)

自从肥髀上次来过之后，成日想来食，今日都无订位，就胆粗粗来试下，咁好彩有位，环境清静，装修都有用过心思，欧洲嘅小店感觉，侍应伯伯好好礼貌，虽然年纪大，但斟水收碟都好勤快！而且有人情味，我叫咗两个午餐，肥髀就散叫一个意粉！但上汤时伯伯自动比多一个空碗同一份面包，比我们分啲汤比肥髀饮，窝心 午餐餐汤系南瓜忌廉汤，汤好浓，好滑，南瓜味重，但滑之中仲有少少南瓜茸，配埋跟汤嘅面包，面包松软，有啲提子碎响里面，撕开沾汤吃，好味！前菜有焗鸳鸯薯皮，配沙律，鸳鸯薯也即系一块系吞拿鱼茸，鱼茸配薯皮味道唔错，系感觉腻啲，另一款系烟肉碎，烟肉碎炸得脆口，配薯皮刚好！沙律菜以红生菜同火箭菜为主，几种菜带少少苦味，配黑醋汁几好味，不过肥髀唔肯食，只系食车厘茄！我叫黑松露酱薄饼，薄饼系薄批，焗得香脆，芝士唔多，但几香，仲可以拉出少少芝士丝，上面铺满杂菇，杂菇烟韧，黑松露酱无乜香味，味道偏淡，但我觉得整体夹埋好味！侍应伯伯自动比芝士粉，再问我要不要辣椒仔辣汁！鱼佬叫海鲜龙虾汁意大利饭，我试咗啲饭，偏硬（我知道意大利饭会比平时嘅饭硬，但今次真系好有咬口）龙虾味道不重，味道一般！肥髀个意粉我无食！餐饮热柠茶正常！值得