上海美華菜館 (已結業)

平时成日经过都冇咩冲动入去，今日经过见到两个笃住拐杖的老人家推门入去，搞到我都忍唔住跟入去。一坐底见到D阿姐同D客完全系街坊式谈天说地，好有亲切感。食物种类颇多，全部写晒系墙上。人总是眼阔肚窄，叫咗咸豆浆、四只生煎包、八只小笼包同鸡丝粉皮。咸豆浆碗中加上满满的油炸鬼，香口而豆味浓郁，而生煎包同坊间的大不同，底部煎得香脆而内里少汁。小笼包皮薄而多汁，加上黑醋姜丝，一口一只，D汁系口度喷出黎，食到停唔到口。呢个鸡丝粉皮极之好味，D花生麻酱分开上，钟意食几多自己加，每条粉皮沾上酱汁之后，香口又爽滑，好似唔使吞咁就跣入喉咙，完全可以唔使理D鸡丝老实讲一间冇门面又冇宣传的小店，都有如此水准，完全靠一班敬业乐业的幕后无名氏默默耕耘，那份对食物的执着，绝对值得我地尊重。