餓底

营业中

休息中

呢区有新餐厅，而且个招牌设计又比较特别同新颖，梗系要去试吓啦。呢度嘅白饭系任装嘅，唔够可以免费添加。价钱同出面新式茶餐厅差唔多，但佢哋个碟头比出面嘅大，所以价钱甚至觉得更加值得。味道同出面新式茶餐厅差唔多，绝对唔会系难食或者有伏，当然都有少少改进空间。如果撞正收工前去食，老板都唔会想浪费啲食物，佢哋会攞剩余啲汤出嚟问啲客想唔想添，咁样都几好，唔好浪费啲食物。所以喺呢区嚟讲，算系好好，呢啲香港人自己钟意食嘅味道，俾当区居民多一个选择。你话佢系咪食𠮶啲小食嘅茶餐厅就未系嘅，其实都系以半茶餐厅半小菜呢种模式咁啦，即系你唔好expect有菠萝包啊呢啲，但系都已经有足够嘅选择，尤其是俾当地居民、学生、上班人士等医肚。招牌设计新颖，笑哈哈个样够样衰，入边嘅装修干净（呢个好重要）。仲有一啲唔同嘅字样嘅设计，有香港味道之余又够潮。旅客如果识路，可以唔需要净系食赤柱广场𠮶啲。美中不足系有条楼梯仔先上到去餐厅，对老人家嚟讲可能唔系咁方便。当然佢地都提供外卖啦，试过都唔差。