薩莉亞意式餐廳 (新都城大廈) (已結業)

saizeriya系好多人既至爱，贪佢够平够好食，但个日去同友人食呢间分店仲叫左D有伏既野食，特别同大家分享，大家记得小心！首先系北角呢间等位等得好辛苦，虽然间间saizeriya都多人等位，但呢间得一条走廊咁窄既位，又热又焗，尽量避免一大班人系呢度等位～之后第一个要提醒既系呢个磨姑意粉，相中所见系冇乜汁加，搞到好干同显得D芝士粉好咸 平时食其他野我地会落好多芝士粉，呢个就唔好啦！个磨姑都系冇调味既，只系隐约食得出磨姑既新鲜清香味，含多阵先会有种回甘既甜味浮现～另外系呢个香辣番茄蓝青口汤，饮落啖啖都系油，成个口都会好油腻而饮唔出鲜味＠＠而佢呢种辣系令人呛口既辣，舌头唔会麻但吞落喉咙就感觉到佢既辛，而我个人觉得呢种辣盖过左青口既鲜味～唯一可以赞既系佢既番茄同青口都好新鲜，番茄为汤加人鲜甜味，更加可以吊起青口既海水清香～希望大家下次食saizeriya可以食得精明D，唔好学我咁谂住贪新鲜试D新野，好容易遇到伏！