陳儀興玫瑰餐廳

营业中

休息中

喺附近体育馆打完波，转个弯去番新蒲岗，最近爵禄街，宁舍一间餐馆，离远望入去见好多酒楼用嘅大围板档住窗，初时以为私房，门口好静，斗胆推门入去，仲以为冇乜客，点知坐满九成，大部分都系打边炉。本嚟接近端午唔热都暖唔多想食火锅，不见咁墟冚，加上啲食材有啲另类嘢拣就试吓。枱主要六至八人大枱为主，近舖边旁有四人枱。俾左一大碗热水嚟洗杯洗碗筷。一睇餐牌，咦，又陈仪兴？一问之下原来系另一兄弟开嘅。拣咗锅底「杏汁白肺汤底」，冇白费拣佢，以88蚊嚟讲有廿旧左右大大旧猪肺俾到嚟，加上一路煲住一路闻到杏仁霜咁嘅坚果香都几舒服，不过要留意猪肺未够腍，预咗要滚多半个钟先食就近磅。见图一大不锈钢盘嘅酱料、生蒜、葱花、辣椒等系侍应拎嚟，自添完就会攞走，食材有伏有服，以下介绍：芫荽一碟，仲系剁碎3棵嘅份量，显得小家子气，收22蚊嘅话真有啲那个……宁愿佢原棵洗干净上碟，起码望落份量都多啲啦。蟹柳拼鱼片头，盛惠43蚊，每款4旧……又系粗嘢当矜贵咁嘅份量，加上蟹柳放锅不消几分钟就飞散哂都捞唔切，感到第二伏。条气顺番啲系见到跟住啲食材。初时搞错牛爽肉系乳白色有阵牛油味𠮶啲牛胸爽，原来系胸前肋骨中嘅软骨，约十片，原片牛舌咁大细，