許留山 (已結業)

细个果阵都几钟意食许留山/去许留山买嘢饮，不过人愈大愈来愈有要求......好多时会去试新嘢同追求更加好食嘅舖头！早两晚同朋友仔夜晚捉pokemon捉到好热好攰，想食个冻糖水又唔想等位，所以去咗许留山。店内八成客都系游客，一睇Menu，哗！咩事贵咗咁多？不过最后一页写话有会员优惠，芒果系列有几款糖水都系$27啫⋯⋯所以就叫咗个芒果水晶晶。虽然个糖水够晒冻，但系芒果系酸嘅，仲要系超酸。一间卖芒果饮品同糖水都算出名嘅舖头，d芒果可以咁酸真系好神奇，下次都系饮返西瓜芦荟爽，应该系最正常嘅嘢嚟佢个雪糕定唔知雪葩，永远好似食紧旧冰咁，加埋有少少奶味，唔掂如果正价，一定唔会食。