唞唞

营业中

休息中

呢一间餐厅价钱都属于贵，咖啡$50起，Gin 就$110起跳，款式都唔算多每样几款，但系足够你选择。服务方便收银执枱店员麻麻哋，乜都叫人自己行去收银枱问。但上菜嘅时候调酒师女仔好好态度，每一个人都分别上酒，见到我哋有朋友出咗去倾电话，佢就将酒放返入雪柜保持温度；见到我哋打卡打得耐，就提醒我哋要趁快饮，非常贴心。饮品琴酒叫咗海鸣威西柚汁好清爽饮得出系新鲜榨出嚟，而且糖精份量唔会太Over，感觉非常平衡！当然温度都调教得好好，chill chill地非常适合一边倾偈，一边做嘢一边饮酒休息。环境方面座位唔多，出边入边室内室外都有位，如果平日晏昼系有位坐嘅，但假日就一定冇位坐。我觉得享受餐厅氛围都系好重要，先配得起呢个价钱。冇自己Wi-Fi但系可以连接西九龙公园本身Wi-Fi。