影片
更多
2020-01-08
1382 浏览
我同男朋友拍拖成日都食大户屋，无论喺太古、荔枝角同埋荃湾嘅aeon，我地都有帮衬过，其实佢食物质素唔错，啲嘢食都几精致，而且定食可以添饭，一定够饱。不过，我哋食过10几次，觉得大户屋有个通病，就系等位嘅时候，明明入边好多空位，都要客人喺门口度白等。例如我哋今次前后脚到，我迟到，去到谂住入去直接揾男朋友，因为见佢冇乜人，但入去揾唔到，谂住问店员有冇位，佢就叫我出去等位。好彩我男朋友早到，一早拎咗张A 004 ，我到𠮶阵系到a 005 ，我男朋友俾咗张飞个店员，我哋就即刻有得入去。呢一个做法好明显系餐厅上有客人喺门口等位，令其他人觉得餐厅好受欢迎。其实呢个做法唔系咁理想，会令等嘅人客白企15分钟至半个钟不等，都仲未计入去上菜点餐嘅时间。《入到去，其实真系好多空位。》不过入咗去，都照叫嘢食。入到去安排左二人位，因为冇位摆野，于是想揾职员帮手。荃湾分店唔知其他大户屋可以揿钟，所以要三催四请职员，先有一位职员肯俾个篮我哋摆嘢。睇嚟依度人手唔系好够。呢度有一啲特别嘅Menu，例如串烧、寿喜烧等等。我就叫咗个泡菜猪腩片定食，男朋友就叫咗猪扒饭配荞麦面。另外我哋留意到大户屋会员app 送双球雪糕，所以
不过，我哋食过10几次，觉得大户屋有个通病，就系等位嘅时候，明明入边好多空位，都要客人喺门口度白等。
例如我哋今次前后脚到，我迟到，去到谂住入去直接揾男朋友，因为见佢冇乜人，但入去揾唔到，谂住问店员有冇位，佢就叫我出去等位。
好彩我男朋友早到，一早拎咗张A 004 ，我到𠮶阵系到a 005 ，我男朋友俾咗张飞个店员，我哋就即刻有得入去。呢一个做法好明显系餐厅上有客人喺门口等位，令其他人觉得餐厅好受欢迎。其实呢个做法唔系咁理想，会令等嘅人客白企15分钟至半个钟不等，都仲未计入去上菜点餐嘅时间。
《入到去，其实真系好多空位。》
不过入咗去，都照叫嘢食。入到去安排左二人位，因为冇位摆野，于是想揾职员帮手。荃湾分店唔知其他大户屋可以揿钟，所以要三催四请职员，先有一位职员肯俾个篮我哋摆嘢。睇嚟依度人手唔系好够。
呢度有一啲特别嘅Menu，例如串烧、寿喜烧等等。我就叫咗个泡菜猪腩片定食，男朋友就叫咗猪扒饭配荞麦面。另外我哋留意到大户屋会员app 送双球雪糕，所以就叫买，不过留意番要照交服务费。
泡菜烧猪腩片锅
21 浏览
0 赞好
0 留言
泡菜烧猪腩片锅
14 浏览
0 赞好
0 留言
泡菜猪腩片定食：锅物保持一贯水准，材料好充足，亦好够泡菜味。不过我略嫌猪腩片黐埋一旧，有啲难咬开，泡菜都系黐埋一旧，咬落去味道会过浓。而白饭系用珍珠米，食落去几黏口。另外佢嘅前菜，系柚子汁金菇海草，酸酸地都不错。
猪扒配荞麦面
140 浏览
0 赞好
0 留言
猪扒饭加荞麦面：荞麦面质地唔错，配埋有香葱嘅面汁，都有一贯水准。
不过佢嘅炸猪扒真系好一般，炸皮同埋肉炸到离行离辣，咬落去无乜肉味，应该系炸嘢时候油温唔够高，唔能够锁住炸皮同肉汁。
唔怪得大户屋嘅猪扒，通常都会浸系汤到，咁样真系好味啲，所以我哋摆番落泡菜锅度。
猪扒下低有啲沙律同饭，男仔食一定够饱。
最后，我哋食埋个甜品，雪糕有五只味可以拣，我哋拣咗芝麻同云呢拿，雪糕味道唔浓，唔算好甜，点埋红豆会好食啲。
最后，我哋都俾咗二百几蚊埋单。
其实，大户屋食物质素一向唔差，食物种类多而份量有多，系有啲细微位可以再执。
不过，佢餐厅安排上要客人系有位嘅餐厅外面等位，可以再执整吓，就算唔够人手，都可以比客人入嚟坐低先，而唔系制造多人排队嘅假象。
另外，荃湾分店人手真系唔太够，净系买单𠮶下先唔使三催四请，有时浸水都要自己靓，仲要收服务费，真系有待改善。
最后补张临走影嘅相，铺头出面全部都系人，但入面有空位。
张贴
