四姐川菜

营业中

休息中

以前都食过一次，觉得有四川嘅味道同埋屋企嘅味道，住家菜既感觉。今次又过黎食啦🤣呢度每张枱有张点餐纸，会写明几多个人，几多个菜，我哋两个人，就可以点两个前菜同三个热菜。我哋叫咗蒜蓉青瓜同五香卤牛肉蒜蓉青瓜青瓜粒粒分明，大大粒拍碎咗，蒜蓉系生蒜嚟嘅，见到粒粒都系人手切，拍碎咗嘅青瓜爽口，加埋蒜蓉，唔辣而有蒜蓉香。五香卤牛肉呢个牛肉，见到肉同根好分明，好有层次感，记得一定要点佢嘅配料，食落好有五香嘅味道，有少少似牛肉干，味道好特别。热食我哋嗌左水煮鱼、西芹炒牛肉、同埋川式椒盐虾招牌水煮鱼一见到有好多好多辣椒，食落其实唔算太辣，水煮鱼每旧都好大旧，仲保持嫩口，鱼肉滑身，入面仲有薯粉同芽菜，芽菜比较长身同谂，薯粉给晒水煮鱼嘅辣汁，好入味。西芹炒牛肉呢碟菜好有住家嘅味道，虽然见到有辣椒同蒜头，但其实一啲都唔辣，西芹配牛肉，唔会好楼而食到西芹同牛肉嘅味道。川式椒盐虾椒盐虾外面脆卜卜，食到有椒盐嘅味道，好香口，入面嘅虾仲保持肉汁，连埋虾壳食都可以。