新蒸武門 (已結業)

今日约左屋企人食饭，于是揾左呢间标榜健康嘅餐厅😁餐厅系工业大厦一楼，环境算系比较整齐干净嘅茶餐厅格局，但亦都有几张圆枱，方便一家大细过时过节黎食👍🏻呢度提供套餐，而有啲特别嘅菜式亦需预订🍵红枣杞子菊花茶听落饮落好似好补身咁🤣虽然只系用只杯焗住，但都算出味👍🏻🥢姫松茸猪展炖汤睇图都见到好足料👍🏻啲味好出，证明都炖左好一段时间，好饮😇🥢豉汁带子蒸豆腐我屋企人好中意啲豆腐，话好有豆香味😂啲带子虽然唔大粒，但都有鲜味👍🏻🥢芥末牛柳粒芥末酱同牛肉好夹😄味道balance得好好，唔会话攻鼻。而牛柳粒无筋，煮得岩岩好，好食👍🏻🥢浓汤节瓜浸鱼滑最欣赏系佢有去左节瓜啲籽😆鱼滑都有鱼味，节瓜就正常水准。