茶木‧台式休閒餐廳 (屯門市廣場1期)

营业中

休息中

茶木不嬲都系有保证嘅台湾餐厅，坐得舒服，服务唔差，野食价廉物美。酱烧猪软骨面，汤底入味，猪软骨够软又有骨有肉，够哂惹味。黄金酥炸排骨，好好好大块，炸得好脆，有少少照烧酱令佢冇咁油腻，而且炸粉唔算多，够哂有良心。马铃薯丝炸虾卷，好巧功夫嘅一道小食，用薯仔丝包住旧虾，两者比例均匀，又唔会盖住虾嘅鲜味。蚵嗲肉碎泡饭，夏天冇咩胃口，食碗泡饭就最好不过，蚵嗲肉碎咸咸地就更加开胃。地瓜炆牛腩，仲有个火慢煮紧，牛腩肥肉适中，够大旧，同蕃薯一齐令有一番风味。炸鱼豆腐，几香口。香煎饺子，唔咩特别。最后再叫咗草莓香草蜜糖砖块仲有黑糖芋丸水果仙草，茶木嘅甜品一定要试，靓之余又有特色，冇偷鸡！