神燈海鮮酒家 (18廣場)

营业中

休息中

屋企人生日，一班人，紧系食中菜啦，识食一定系食粤菜啦！最后决定黎神灯食！餐厅嘅装潢以简单中式酒楼风格为主，灯光柔和。枱与枱好近，座位比较逼夹，但气氛系正，系温馨既。好多家庭、一班朋友专登订位过嚟食饭，感觉上好似返咗屋企食饭咁。我哋点咗几道招牌菜。首先系黑松露玻璃烧鹅，烧鹅肉质鲜嫩，黑松露味浓郁，搭配得恰到好处。 最难影得吸引既招牌菜！一啲都唔系外貌协会跟住出场嘅系伊比利亚叉烧王同埋有米佬猪手。叉烧半肥瘦适中，猪手炸到脆卜卜，米炸成脆米粒，再加上少少辣椒，好惹味，好岩送酒。唔够喉，叫左神灯小炒王，蜜汁脆烧鳝同埋豉椒炒蛏子王。小炒王有啲失色，咸了点，太干身。烧鳝食落又甜又脆，厚到成旧寿司咁🤤太正喇。最后叫咗佢哋嘅小寿包，令整个生日晚餐画上完美句号。服务员态度亲切，好乐意帮忙影相。对每道菜嘅介绍都好详细，而且对于客人嘅需求都非常留意。餐厅嘅价钱算系中上，但以食物质素同整体体验嚟讲，绝对物有所值。