鐵板世家

营业中

休息中

由细到大都唔知喺旺角留低咗几多脚毛，所以旺角对我嚟讲系一种情怀，而另一种香港情怀，就系港式铁板餐。呢个地方同呢种菜式，都令我引以为傲。呢度有间 2003年已经开咗嘅铁板餐，红色嘅格仔枱布，古典嘅铁窗装饰，最唔紧要系铁板嘅嘶嘶声，扣人心弦。 🍖肉眼配牛脷铁板餐，肉眼扒做得好腍，牛肉劲厚，无根，所以食得好舒服，唯一缺点亦都其实系优点，就系好大块，咁就算肉质几腍，排牙要长期郁动，都总系会攰㗎，所以食埋薄切啲嘅牛脷就啱啱好，俾牙齿有休息时间，因为刚好相反，牛脷爽口弹牙，咀嚼嘅动作唔同咗，牙较就冇咁攰。两样嘢真系绝配。 🍖呢度可以拣烧汁或者黑椒汁，最期望嘅画面就梗系将个汁倒落去个铁板度咋咋声𠮶一刻啦， 好治愈㗎嘛。但系估唔到佢连甜品，都系会嚟到你面前，倒花奶系啫喱上边，你知食嘢其实仪式感好紧要㗎喇。啫喱够晒结实，里面有劲多果肉，配合埋个花奶真系一绝。 🍖最后就系饮品，食铁板餐饮红豆冰是常识吧。但系佢嘅红豆真系值得一提，我影咗张close up嘅相，你睇吓啲豆爆开个样，就系咁样先至可以起沙，有绵滑嘅感觉。 简单一个铁板餐，其实真系唔简单架。