影片
更多
2010-01-07
5 浏览
今次选了日与夜,全因佢够就脚,旺角.一个基本上一星期都会去一次既地方,我地一行十人,揾了个旺中带静既位置集合.一见面就好似10年冇见咁.而事实上,数数手指又真系十年冇见㖞!大家都怀著兴奋心情走进日与夜,感觉良好.餐厅分开两个单位,好明显右手边单位较似cafe,有梳化,又可以点歌.不过我地成10个人,迫住要过另一边单位,冇装修,不过可以俾我地10个女仔嘈足一晚都应该唔会有人赶.10个之中,有5个系为左食.散叫都唔平,索性buffet算.侍应们好nice,都系后生哥哥.系就系亲民,不过唔识招呼呢~其中有一个朋友做了member,哥哥就答应可以作9折.是日晚餐:- 日式前菜类>> 八爪鱼, 中华沙律, 螺肉等,我地叫左两次, 好快清晒 三文鱼>> 有种怪味,不过照食可也.又系叫左两次,实在太肚饿喇~ 炸物>> 鱿鱼圈, 炸豆腐, 炸饺子等等, 其中鸡翼系最易入口. 面豉&猪骨汤>> 冇难度!就系将出前一丁既面豉汤底又或者系猪骨味汤底加几十碗水而成,大家可以试下,个猪骨汤好似饮紧忌廉汤or生粉水咁. 蜜桃茶>>
大家都怀著兴奋心情走进日与夜,感觉良好.餐厅分开两个单位,好明显右手边单位较似cafe,有梳化,又可以点歌.不过我地成10个人,迫住要过另一边单位,冇装修,不过可以俾我地10个女仔嘈足一晚都应该唔会有人赶.
10个之中,有5个系为左食.散叫都唔平,索性buffet算.侍应们好nice,都系后生哥哥.系就系亲民,不过唔识招呼呢~其中有一个朋友做了member,哥哥就答应可以作9折.
是日晚餐:-
日式前菜类>> 八爪鱼, 中华沙律, 螺肉等,我地叫左两次, 好快清晒
三文鱼>> 有种怪味,不过照食可也.又系叫左两次,实在太肚饿喇~
炸物>> 鱿鱼圈, 炸豆腐, 炸饺子等等, 其中鸡翼系最易入口.
面豉&猪骨汤>> 冇难度!就系将出前一丁既面豉汤底又或者系猪骨味汤底加几十碗水而成,大家可以试下,个猪骨汤好似饮紧忌廉汤or生粉水咁.
蜜桃茶>> 最靠得住,一定唔会饮死人.
寿司类>> 种类不多,醋味劲浓. 其中鳗鱼入口即溶,只可以用"得人惊"来形容!
炸虾天妇罗>> 可以接受
泡芺>> 送既, 食左咁耐终于有样似样d喇...感恩~
去过好多mk上楼cafe,气氛最好系今次,可能系一大班人既关系.食物就一向唔睇好,今次都唔例外,连唔洗烹调既食物都唔好食,再一次证明上楼cafe好难做得起!
上菜慢之外,好多时都唔足数,俾少一半等等.想追加咪再填纸啰,不过又唔知等到几时㖞.个buffet又食得果两个中,等菜就用左30mins,自己计计数喇~
今次我地仲同朋友仔庆祝生日,用餐厅碟每人要加两蚊.咁唔通用手食咩??
最后埋单,另一个侍应过来.我地check单发觉冇9折,揾番原先俾9折既waiter理论.佢既答案系,个9折系答应下次先可以用.10个人9个都听到系今次,我地对耳有病啰!最后嘈左一轮,先计番个9折.我话明唔会再黎.不过倾下计,大家都可以考虑下~
张贴
