影片
更多
2022-03-16
27 浏览
今日喺附近见朋友，行过餐厅门口，有一位好有礼貌嘅店员话佢哋系腐乳主题餐厅，好似几特别，就入去试下。入到去见个装潢都几靓，有d艺术感。个 menu 都靓，打开睇下，见每一页都有一两款食物有腐乳，其他冇，我觉得咁样几好，如果有同行朋友唔系话太钟意腐乳都有其他选择。不过今次我同朋友都想试多d佢嘅腐乳 items，就叫咗店员推介嘅4款食物，同朋友 share 食。(店员叫肥仔，应该话系店长之一先啱)先嚟两个小食，第一个系 - 腐乳咸蛋黄炸鱼皮：攞上台个样好靓，肥仔话要影相就要快d喇，仲主动俾咗隔离台俾我哋影 (隔离台啱啱食完，近门口光线好d)，因为影影下都塌咗少少，不过呢个小食食到尾都依然香脆。成件事唔会好油，送酒一流。第二个系 - 南乳炸鸡球：呢个我就觉得可以再炸得香脆d，但系系好食嘅，份量都唔少。最画龙点睛系佢个酱，首先粉红色已经好靓，同佢个红碟都好衬，好有美感；加埋个酱系有腐乳，食得出但系又唔会太浓，点到即止，我哋好欣赏。再叫咗两个大碟d嘅，第一个系 - 牛油果烟熏三文鱼酸种面包，虽然佢喺 menu 属于小食，但系当主菜都够哂饱：我个人都几钟意食酸种面包 Sourdough，不过要做得好
入到去见个装潢都几靓，有d艺术感。个 menu 都靓，打开睇下，见每一页都有一两款食物有腐乳，其他冇，我觉得咁样几好，如果有同行朋友唔系话太钟意腐乳都有其他选择。不过今次我同朋友都想试多d佢嘅腐乳 items，就叫咗店员推介嘅4款食物，同朋友 share 食。
(店员叫肥仔，应该话系店长之一先啱)
先嚟两个小食，第一个系 - 腐乳咸蛋黄炸鱼皮：
攞上台个样好靓，肥仔话要影相就要快d喇，仲主动俾咗隔离台俾我哋影 (隔离台啱啱食完，近门口光线好d)，因为影影下都塌咗少少，不过呢个小食食到尾都依然香脆。成件事唔会好油，送酒一流。
第二个系 - 南乳炸鸡球：
呢个我就觉得可以再炸得香脆d，但系系好食嘅，份量都唔少。最画龙点睛系佢个酱，首先粉红色已经好靓，同佢个红碟都好衬，好有美感；加埋个酱系有腐乳，食得出但系又唔会太浓，点到即止，我哋好欣赏。
再叫咗两个大碟d嘅，第一个系 - 牛油果烟熏三文鱼酸种面包，虽然佢喺 menu 属于小食，但系当主菜都够哂饱：
我个人都几钟意食酸种面包 Sourdough，不过要做得好食，上碟唔会太硬、太酸、太㶶 / 苦已经有难度，而且通常酸种面包本身都比较突出，就算同其他食物摆埋一齐，都系我还我，佢还佢咁。不过呢个就好有惊喜，酸种面包上面有一层腐乳 cream，中和咗三文鱼同面包喺口感同味道上嘅冲突，即刻成件事好夹，今个 lunch 最钟意就系呢碟！牛油果我就觉得冇咁特别，不过佢牛油果俾咗原个，份量足。
第二个系肥仔推介嘅主菜，椒丝腐乳卡邦尼意粉：
卖相都系好唔错，食落当然都好满意。我自己本身唔系太钟意 Carbonara，通常都系食两啖就停手。不过呢个我觉得易入口，同埋有少少腐乳味都几有趣，所以都食咗大半碟。最正系佢有几片腊肠，而佢个 menu 冇提到，即系店家系因为觉得好食先落，而唔系纯粹想卖高d个价钱而落。可惜我都唔系好食腊肠，所以冇食到，而我朋友就赞不绝口，佢就成餐 lunch 最钟意呢个意粉！
最后仲有两杯嘢饮，Salted Plum Latte (话梅拿鐡) 同 Lau White (有 tonic、腐乳同 espresso)。
Salted Plum Latte 系热嘅，试咗一啖，个话梅味几香。
Lau White 系冻嘅，大杯d，杯底有层腐乳，可以搅下佢先饮。我觉得几好饮，加咗 tonic 令佢有少少汽水感觉；虽然系 espresso，但系对我呢d冇饮开咖啡嘅人嚟讲都唔觉苦；而腐乳属于点缀，唔会太 heavy。食完炸嘢饮下呢杯，几清新。
食到饱哂之后，肥仔仲带我哋参观间餐厅嘅其他角落，有好多特色摆设。墙上面嘅海报系佢哋几位店长 / 餐厅拥有人嘅介绍，同埋对腐乳嘅解读。成件事好艺术，拍得住呢区附近嘅画廊。厕所都系景点之一，大家去到记得去望下。
返到位坐低，谂住坐多阵倾下计，喺水吧嘅店长仲主动攞两杯水俾我哋，好细心，再加分！
店家真系每一款食物都好有心机去构思同制作，令我哋作为食客，喺视觉同味觉上都好满足。Fine dining 嘅感觉，亲民嘅价钱，尤其喺呢区嚟讲。座位唔算多，大约10个，趁佢哋红到大排长龙之前我会再去多几次！
张贴
