鮨 中本 (已結業)

入到店铺系令人非常舒适嘅木色环境，唔会局促令人十分放松，师傅系日本人，上菜时有另一位职员以中文讲解，非常贴心。职员好有礼貌，会定时更换热茶，服务非常好。平日夜晚都差唔到坐满，好多都系熟客，仲有日本人；就知质素一定唔差。同职员倾计佢地话唔似坊间嘅omakase，师傅会就每个客人嘅喜好以当日新鲜食材costome make 比每位客人，所以每组客人食嘅食物都唔同。呢到食材都好新鲜高质，食材处理方面都有贴心之举。介绍几款特别中意嘅刺身：【希灵鱼籽昆布渍】我平时系绝对唔会食希灵鱼，就算较高级嘅香港都比较腥，以为鱼籽会更腥，点知入口有甜味，完全唔会腥，口感爽，鱼籽数量好多，真材实料。【左口鱼】有啲柚子味，鱼肉较粉好新鲜，唔系平时见到嘅纯白色，鱼边较爽口味道较浓。【生蚝】会先介两刀分左3旧容易食啲，有酸汁，辣萝卜蓉，海水味较重爽口，味道平衡辣味唔会盖过鲜味。寿司：【鲈鱼】鲜味媲美鲷鱼，肉质柔软且口味清淡，系时令鱼，肉质会更优质，脂质含量更多【深海池鱼】同油甘鱼同科但较爽口，冇甘腥，属于淡味啲嘅鱼。【中拖罗】不得不称赞，入口即化；鱼鮨味重，简直好似大拖甘。而佢嘅大拖唔洗讲系仲好食，筋位唔多但更肥美。