點心廊 (已結業)

今个农历年气氛麻麻，但都希望同朋友聚一聚，旺角呢个中心点最就脚，朋友介绍前一阵子食过雅兰嘅点心廊，精致又好味，今日带埋我哋一齐去试吓。雅兰中心现开满食肆，点心廊就正正位于美利登寿司旁，门面设计清雅，大厅位置阔落，一啲都唔迫，仲有好多半圆形梳化位，同朋友一边饮茶一边倾计确系赏心乐事。唯一唔好处就系楼底比较矮，坐位上方有好多射灯，感觉稍热。餐厅由前天宝阁总厨处理，主力怀旧+创意点心，睇下点心纸都流晒口水，材料配搭特别，好似呢个春卷就配左海胆喺面，海胆嘅鲜甜味非常突出，春卷炸得脆口不油腻。蜂巢带子芋角——芋角因为多功夫，已经唔系每间茶楼都有得供应，见到呢度有真系好开心呀，蜂巢外壳揸得酥脆，有空气感，咬开有大大粒带子肉，最重要芋蓉做得非常幼滑，芋头香味四溢，直情系必点嘅推介。鱼子酱糯米脆脆——矜贵嘅鱼子酱光泽亮丽，粒粒分明，放系炸得酥脆嘅糯米砖上面，中西合璧，有新意！花胶糯米鸡——打开糯米鸡，即飘来淡淡荷叶香，糯米做得软糯，配埋花胶馅料，好一个矜贵嘅组合！金瑶柱脆皮萝卜丝肠粉——肠粉皮又白又滑，入边嘅油炸鬼炸得松脆，豉油酱汁唔会好似出边𠮶啲得个咸字，而真系有豆香味，非常高分嘅作品！香片茶唔错，