漁獲浜燒

营业中

休息中

实不相瞒烧海鲜好多时我都暗暗期待烧龙虾嘅一刻，见到有推广餐龙虾飨宴即时book位。拖罗、深海池鱼同赤虾系升级item，赤虾真心甜同弹牙，拖罗油花好靓，加得够值。活龙虾浜烧好大只厚肉，其实用呢啲炉好难控制火候，但店员烧得好好，保持幼嫩，完全唔会过火。 龙虾够哂新鲜鲜甜，就咁食已经系一大享受，最后仲洒埋芝士更加香。活帆立贝浜烧拣左简单用清酒煮，更加食到食材原味，好清甜。纽西兰牛柳份量比想像中多，黑椒同蒜片一齐食好香口。龙虾头味噌汤乌冬落左原个活龙虾浜烧嘅龙虾头，估唔到都好多肉仲有膏，尤其龙虾螯啖啖肉，最后主食都仲有海鲜好开心。