K-Pop snack (已結業)

一向有买开牛骨汤饭外卖做lunch唔知系咪顶咗手定换哂d人。唔见平时见到有礼貌嘅韩国职员。今日贴钱买难受，一肚气！今日买的牛骨汤竟然系舗了满满的油。牛骨汤会有油系面系正常，因为始终都是用牛骨煲出来。平常都是撇三至四下就可撇走大部分的油，但今日撇了半碗仍是油，跟本食唔到。拎返落去，职员解释因厨房新来，可能未熟手，所以可能冇搅到落底，只撇面嘅装入碗，所以多油。换了一碗，当场打开看，冇问题，起码唔系一大片油。返到上office开始食，更领人惊讶的事出现了。牛骨汤只得箩白同汤，冇牛骨..............！！！打电话落去投诉要求退款，经过了5-10分钟通话，几个职员一个问一个，又一个接一个过电话讲，之后同意退款。因为呢碗野已行了2次斜路来回，所以过了一阵得闲先再落去退款，那个职员竟然藐咀，话碗汤系「老板娘」装的，「肯定有3旧骨」！！我当刻直系嬲到爆。如果你系咁肯定，即系你认为我呃你嘅话，系10分钟通话时你又唔讲？如果你当时系电话咁讲，我一定即刻落多次去！费事口同鼻嗌。依家讲到好似系我屈你咁。一定唔会再帮衬！