瀛豐放題料理專門店 (已搬遷) 新店位置

阿女考晒试派晒卷，心情轻松愉快，带佢过铜锣湾逛逛，shop到攰，揾地方食嘢， 骆克道呢条街有好多食肆，阿女话好想食放题，今晚我哋两个一于放纵下。试埋个升级版有即开生蚝，先来一打法国皇家生蚝，劲新鲜，劲大只，size有一个手掌咁大，啖啖肉，非常juicy。刺身拼盘~ 好新鲜，有八种刺身，滑滑珍宝赤虾、肥美白玉豚、北海道角螺、爽脆马刀贝、爽口希灵鱼、油甘鱼、象拔蚌及鲜甜三文鱼。升级版仲有海胆带子~ 厚切带子好新鲜，中间夹住加拿大海胆，呢个食法好正！推介一定要试。泰式食品种类都好丰富，鱼露烧虾，大大只好新鲜。阿女好钟意个泰式鱼饼同虾饼，新鲜热辣辣炸起，非常香口。我钟意个泰式烧元贝，蒜蓉可以带出元贝嘅鲜味。仲有泰式辣椒膏炒蚬，唔会太辣，蚬肉大粒。然后嚟一round寿司~ 甜蛋火炙寿司、火炙芝士鱼生船、露笋火炙三文鱼寿司、一口鳗鱼寿司、牛油果菠萝鳗鱼卷、龙虾沙律花之恋及蟹肉蟹膏军舰，每款都很精美，最喜欢个菠萝卷，清新口味好特别，个蟹膏军舰都非常吸引。餐厅送咗个虫草花炖鸡汤，好好饮。麻辣牛脷，唔会太辣有口感。卤水猪耳，爽口入味。尖椒皮蛋，日式放题少有嘅前菜。皇帝蟹棒天妇罗，新鲜炸起，正常发挥。咸蛋