大和堂咖啡店

营业中

休息中

大和堂药行摇身一变，旧铺活化成文青Cafe。店内保留了百子柜、铁闸、长木椅、金漆牌匾，历史感满满。其实想帮衬好耐，不过假日经常满座，难得今次weekday 得闲，终于可以一试。大和堂菠萝油外表同普通菠萝油一样，而入面嘅「厚牛油」系鸭肝制成，充满咸香，配上大黄桂花酱，酸甜味道中和返油腻感，加上桂花香味，的确值得一试。番茄薯仔鱼汤汁花甲意粉数量唔少嘅花甲，烟韧嘅意大利面加上香脆的炸薯粒，形成的口感层次分明。酸甜嘅蕃茄配合鲜味鱼汁，味道配合得好好。饮品方面，拣左冷泡咖啡同袪湿降脂茶，店员详细讲解咖啡豆嘅味道特色，爱好者可以好好品味。