Gustoso Burger (海都大廈) (已結業)

收工行经铜锣湾，见到附近新开左一间burger铺，价钱嚟讲又唔算太贵，贪新鲜买咗嚟试吓。牛油果脆鸡堡 - 比手掌仲大，份量十足，包皮大大旧又几松软。番茄同洋葱好新鲜爽口，牛油果大大旧厚切好creamy，另外仲涂咗多一层牛油果酱，包保啖啖都食得到。中间嘅脆鸡比较干身唔油腻，炸粉都唔算好厚啱啱好。洋葱圈 - 虽然比较细旧但好香脆，炸粉完美地包围住洋葱丝无外露。白桃乌龙茶 - 茶底好香好浓，饮落有阵清香嘅果甜味解腻一流。