九份飽 (蜆殼街) (已搬遷) 新店位置

今日同朋友行开香港区，咁见到呢一间专食台湾嘢，我觉得几得意因为入面啲装修都几有台湾嘅风味情怀，咁我同朋友就入咗去试一试，因为其实本人都几钟意食台湾嘢。盐酥鸡: 呢个是盐酥鸡作为餐前小食我觉得唔错因为呢间炸得几好， 同埋佢个盐酥鸡炸得比较独特，同台湾嘅都几相似。怀旧卤肉饭： 我叫咗呢个卤肉饭其实都几好食，有台湾卤肉饭嘅风味，同埋𠮶个味道都几适合香港人食嘅口味，所以我觉得呢个卤肉饭系我推介之一。香酥排骨米粉: 呢个米粉虽然系我朋友嗌嘅但系我试咗少少个米粉几幼细，同埋个汤底做得几好， 如果钟意食米粉嘅朋友我诚意推介呢个米粉，同埋佢个排骨都炸得几有风味。酥炸花枝丸： 食完晒啲正餐觉得唔够，所以叫咗个花枝丸食， 觉得呢个花枝丸如果叫埋啤酒嚟送简直就系一流。 因为呢个花枝丸咸咸哋真系饮埋啤酒嚟送得几有风味。最后如果大家行开呢一头嘅话可以试下呢间台湾小店因为我觉得佢整啲小食、饭呀、米粉都整得几好。