影片
更多
2024-10-24
671 浏览
原本谂住book间评价高嘅餐厅，想好好庆祝生日，点知变左一场灾难。食物伏到极点，服务更系完全冇眼睇。食物：完全不合格Cocktail只系样靓，入口后即知中伏，好似饮紧啲色素水，要即刻放低。虽然摆盘系为打卡而设，但唔好谂住可以影得耐，因为侍应系会极速帮你收咗个碟。到呢刻都冇奢望啲食物会好食，但实在冇谂过会差到咁。鹅肝多士系冻既。薯条腍到好似冇炸过咁。猪鞍完全冇味，好似食紧蒸水煮肉咁。得个杂锦海鲜意粉叫系正常发挥。另外，叫咗鸡翼同牛扒，不过我冇食就唔评价了。服务：比食物更伏呢个服务水平系我见过最差嘅，女侍应们十分不专业。啱啱坐低仲以为一切正常，点知上菜时，枱面上野食开始多嘅时候 ，A侍应就叫我哋「拎开啲嘢俾佢放碟」，大佬呀，食物唔放枱上？要我放边？膝头哥？去到差唔多还枱时，B侍应急住嚟收钱，我哋同佢讲留咗个「一千零一夜」同生日甜品msg，佢好似完全唔知咁，查完再过嚟暗示我哋甜品系唔够时间食。但继续收钱。我哋理解明白你赶时间，但原来要求佢帮手清枱面先再上个「一千零一夜」竟然都系奢求？2分钟后，A侍应捧住个「一千零一夜」走过嚟，枱系未执嘅，佢无视张枱乱到似垃圾站，就放左个「一千零一夜」去隔篱枱
食物：完全不合格
Cocktail只系样靓，入口后即知中伏，好似饮紧啲色素水，要即刻放低。虽然摆盘系为打卡而设，但唔好谂住可以影得耐，因为侍应系会极速帮你收咗个碟。
到呢刻都冇奢望啲食物会好食，但实在冇谂过会差到咁。鹅肝多士系冻既。薯条腍到好似冇炸过咁。猪鞍完全冇味，好似食紧蒸水煮肉咁。得个杂锦海鲜意粉叫系正常发挥。另外，叫咗鸡翼同牛扒，不过我冇食就唔评价了。
服务：比食物更伏
呢个服务水平系我见过最差嘅，女侍应们十分不专业。啱啱坐低仲以为一切正常，点知上菜时，枱面上野食开始多嘅时候 ，A侍应就叫我哋「拎开啲嘢俾佢放碟」，大佬呀，食物唔放枱上？要我放边？膝头哥？
去到差唔多还枱时，B侍应急住嚟收钱，我哋同佢讲留咗个「一千零一夜」同生日甜品msg，佢好似完全唔知咁，查完再过嚟暗示我哋甜品系唔够时间食。但继续收钱。我哋理解明白你赶时间，但原来要求佢帮手清枱面先再上个「一千零一夜」竟然都系奢求？2分钟后，A侍应捧住个「一千零一夜」走过嚟，枱系未执嘅，佢无视张枱乱到似垃圾站，就放左个「一千零一夜」去隔篱枱，仲好心话：「干冰就快冇啦」 再用眼神示意「快啲影啦！」影完即刻收左只碟，就系咁。呢个生日仪式用咗10秒钟就「完成」咗了。。
结论：绝对唔会再嚟
成晚体验无论食物质素、服务态度都完全唔值呢个价钱，亦都彻底摧毁咗我对呢间餐厅嘅所有期望。但佢又有咁高like数。简直令人费解。而呢间餐厅唯一「值得」嘅系帮我纪录咗人生中最失望嘅生日。而呢次经历已经变成咗一个惨痛教训。见证咗”高like唔等于高质” ！
张贴