NINETYs (皇后大道東) (已結業)

有咖啡 ，有故事， 有听故事的人，社会虽然乱，疫情虽然未过，不过放假身边有人同你一早起身食过brunch 都值得安慰。10:30到已经好多人，只差一点点，如果迟10分钟我地就要等位，真系好彩。我钟意嘅高楼底，仲有櫈仔可以摆袋，唔错，不过台细张仲有隙，好容易跌餐具落地，我地点咗piggy piggy , 即系猪扒burger , 另一个系salmon Tartare, 即系三文鱼牛油果酱配薄饼，饮品系flat white 同 mocha burger 先到，份量好大，旁边有食用花，好靓，卖相100分🥰，中间除咗猪扒外仲有青苹果, 红菜头同羽衣甘蓝，包有烘过，好香好新鲜，猪扒无乜调味又overcook , 所以有啲干同谐。之后系salmon tartare, 同样系无敌嘅卖相😍，三文鱼牛油果酱好新鲜，不过都系无乜味，出面一般会加啲油，芝麻，盐去整，咁配包会好味好多。flat white 嚟到都有惊喜，除咗本身咖啡仲有蓝莓干，好吸引。mocha 呢，朱古力酱除咗喺杯面仲会喺杯身😲，真系估佢唔倒，虽然拣咗Fruity 即系无咁浓味，不过我都觉得几浓。