影片
更多
2007-06-13
16 浏览
继续接待老板下集(12-6-2007晚餐)夜晚(严格o黎讲唔算系夜晚,因为只系6:15pm)同5个日本人o黎呢o度食饭,由于我自己迟少少到,所以另一个老板已经点好菜,唔知佢有冇叫小笼包呢?不久,𩠌菜o黎喇, 1. 先o黎海蜇,醉鸡,OK啦. 2. 然后系片皮鸭,睇落色水好似唔系好够,食落,皮唔脆o既?唉! 3. 到应该系鱼翅竹笙汤,都系一般啦. 4. 一个年资应该比较大o既女侍应见枱面冇咩位,于是问帮我o地分o左啲小笼包好吗?我一口答应.好怀念4年前同个日本客o黎到同一张枱食热腾腾,多汁o既小笼包.o黎喇o黎喇,不过好失望,1.点解大只o左o既?2.顶上o既皮干o左.见一个日本客食,我重想提醒佢小心里面啲汁热,哈,佢识得点食小笼包,而睇佢食落,应该系唔热.好,到我食喇,果然系唔热兼且冇咩汁,只有大大旧o既肉,有冇搅错啊?公仔雪藏即食o既小笼包味道都好食过佢,而且重要差过o系日本食o既翻版小笼包添,好失望呀! 5. 之后我唔知咩名堂o既炸虾,眼见有辣椒o系底,心谂,死梗,辣o既.不过尽管试吓,夹面唔点汁咪得啰,咬落,咦,甜o既?虾又好大只,都够爽,粉团又唔厚,呢个𩠌可以o既. 6.最后又
夜晚(严格o黎讲唔算系夜晚,因为只系6:15pm)同5个日本人o黎呢o度食饭,由于我自己迟少少到,所以另一个老板已经点好菜,唔知佢有冇叫小笼包呢?不久,𩠌菜o黎喇,
1. 先o黎海蜇,醉鸡,OK啦.
2. 然后系片皮鸭,睇落色水好似唔系好够,食落,皮唔脆o既?唉!
3. 到应该系鱼翅竹笙汤,都系一般啦.
4. 一个年资应该比较大o既女侍应见枱面冇咩位,于是问帮我o地分o左啲小笼包好吗?我一口答应.好怀念4年前同个日本客o黎到同一张枱食热腾腾,多汁o既小笼包.o黎喇o黎喇,不过好失望,1.点解大只o左o既?2.顶上o既皮干o左.见一个日本客食,我重想提醒佢小心里面啲汁热,哈,佢识得点食小笼包,而睇佢食落,应该系唔热.好,到我食喇,果然系唔热兼且冇咩汁,只有大大旧o既肉,有冇搅错啊?公仔雪藏即食o既小笼包味道都好食过佢,而且重要差过o系日本食o既翻版小笼包添,好失望呀!
5. 之后我唔知咩名堂o既炸虾,眼见有辣椒o系底,心谂,死梗,辣o既.不过尽管试吓,夹面唔点汁咪得啰,咬落,咦,甜o既?虾又好大只,都够爽,粉团又唔厚,呢个𩠌可以o既.
6.最后又系一个我唔知咩名堂o既菜,应该系上汤浸青瓜o挂,都系冇咩特别啰.
一个小插曲:其中一个本著大无畏精神o既客人贪食,夹垫o系第5个菜底o既辣椒,最初佢食长,新鲜o既红辣椒食,佢话唔辣,于是试半粒少于一个一毫硬币o既干红辣椒o黎食,直觉觉得系好辣o既指天椒但唔确定,于是冇阻止佢.果然,最初佢话冇o野,食完后佢就喷火喇,因为佢食到里面o既核.眼见佢痛苦难当,重饮加饭酒o黎'解辣',于是叫年轻侍应畀杯冻水佢,个侍应问我系咪蒸馏水?我反问佢系咪一定要蒸馏水,佢答我都唔系o既,一系滚水加冰,我答系啦系啦.心谂如果我唔系香港人,识反问个侍应,咪畀佢屈o左杯蒸馏水?
服务方面:
多o左好多年轻侍应,佢o地成日要人教,其中一个例子系加饭酒要热饮o既,年资大啲o既女侍应要教佢o地不时留意用o黎坐热o既水瓶内o既水够唔够热.呢位女侍应真系好尽责.不过整体服务都可以o既,碟都换得好快.
环境方面:
唔明点解我o地book o左枱而且6点就o黎到,都系畀张好似临时加开o既枱我o地啰,眼见重有好多咭枱.而且呢张枱成日有只小昆虫飞o黎飞去,好烦.
价钱我就唔知喇,不过应该唔平.
张贴