Theo Mistral by Theo Randall (已搬遷) 新店位置

蟹肉凯撒沙律 - 顶层放咗两块好薄好薄嘅多士同埋有啲脆烟肉碎，中间系蟹肉沙律，而底层就系罗马生菜，佢用嘅凯撒沙律酱比较偏淡味，唔会抢咗蟹肉嘅鲜甜味。烤焗澳洲羊架伴薯蓉 - 羊架虽然有三条骨，但系size唔大，应该系属于BB羊，所以肉质好嫩，外皮有少少脆。大虾意大利饭 - 呢个意大利饭今次就做得比较差，做得好稀，而且饭粒好淋，唔讲以为食紧粥😓。虎虾算大只，肉质弹牙，不过就觉得浪费咗呢一个组合，因为两样嘢系分开煮，只系将煎好嘅大虾放喺意大利饭上面就咁。热情果挞 - 酸酸甜甜好开胃，有啲似柠檬挞，不过系比柠檬挞香。