魂 (已搬遷) 新店位置

我系一个喜欢食拉面嘅人，无论台湾牛肉面、日本拉面、甚至乎公仔面我都会揾一啲新嘢去试。爬文睇到有文章讲及呢间拉面店，于是过咗铜锣湾一试。日期系星期日下午嘅三点几，唔使排队直，入或者咁讲：其实只得我呢个客同老细……呢间拉面店只卖四款拉面，我就拣咗最具人气嘅"太极"。汤底系墨鱼汁加上佢本身嘅猪骨汤底做成，拉面最讲求汤底，所以我马上试咗一羹 ，入口感觉尚算好味，不过我觉得佢可以做得浓啲；豚肉上面有蟹膏，份量好少，如果蟹膏捞落汤面度食根本食唔出𠮶种味……面质就口感一般；温泉蛋唔系咁流心； 份量亦相对少，对于一般香港人嘅我，似乎唔多够。总括嚟讲唔系咁出色， 以而家香港拉面嘅竞争及佢所卖嘅价钱，我相信会有好多选择，希望店主见到呢个食评会有所改善。