茶星人 (天盛街市) (已結業)

今日经过，叫咗杯芝芝桃桃。标准size我最初以为系500ml,但原来冰沙类系有700ml。好耐之前听人讲话佢个芝士奶盖几好，但今日依杯芝士味唔够香浓。而冰沙部份，啲冰未打得好碎，都仲有几粒比较大粒嘅碎冰。另外桃汁太甜，而且完全无果肉，有d失望。如果有啲果肉咬下，会更值33蚊一杯。特别想提服务，真系有啲差。我未见过一间台式饮品店系杯嘢饮整好，个店员就咁放枱面但完全唔叫人/号码。我系度等嘅时候都有四五个客喺度等，佢真系完全无叫过任何客人攞嘢饮，就咁放低就算。系杯嘢放咗好耐，先有人好疑惑咁埋去问杯嘢系佢嘅。我真系有啲O咀，因为其实系会有机会有客人系会叫同一款饮品/个样差唔多嘅嘢，攞错就好麻烦，造成大家都唔敢攞。依个位真系要改善下。