Monster Sushi (已結業)

我个人都几钟意食寿司，但间间回转寿司店都系话自己食材好新鲜，有时食得多只打新鲜为旗号的店舖都有啲闷闷哋，所以我重有一个少少的要求，就系耐唔耐有啲新嘢试吓，咁就唔洗次次去亲都系食黎食去𠮶啲嘢…….Monster Sushi 铜锣湾店都第一次去，一落到去就有好大个舖名欢迎您，灯光有少少暗黄色，都系一贯 Monster Style。入口处不太大但入到舖入面就发觉原来很大……心想咁都好㖞，如果黎食9:30时段唔洗等位等咁耐，嘻嘻！每次都会点啲必食同埋𠮶期新出的嘢食，但由于今日得两个人的缘故所以就重点睇啲新嘢，我哋点左个「三式洋风军舰」(有凡立贝并甜虾、三文鱼子并三文鱼、葱粒吞拿鱼腩并酸酸甜甜吞拿鱼)重有个滑滑玉子响饭面，唔同质感的食才在你口中转黎转去，食落好得意。另外还点左「冲绳风海鲜水晶面」面条系好似蒟蒻同水晶面质感伴了一个酸酸的汁，令人好开胃，厨师梗系想客人食左呢个之后可以食多啲寿司，哈哈哈！哎，我哋重点左个都系新菜式叫「柚子油甘鱼薄切」即系有啲柚子酱汁伴住油甘鱼刺身，好新鲜就必然，当中个柚子酱汁同肥美的油甘鱼起左个中和的作用，几特别的一个配答！其他的必食寿司有松叶蟹膏玉子烧、甜虾、软壳蟹