砂煲兄弟 (東港城) (已結業)

呢间餐厅开咗一段时间，位置喺东港城其中一个出入口外面，咁耐先嚟试系因为我麻麻哋煲仔饭，原来仲有粉面选择。餐牌小菜好多都几吸引，精选午餐选择相对比较少，价钱都大众化，装修有特色，卡座都算多，就算唔坐卡位都其他座位都几阔落。我哋叫咗两个午餐，一个正价意粉，一个甜品，味道一般唔特出，服务可以，人手算多。豉椒排骨炒河，无咩镬气，味道可以，份量正常。腊味煲仔饭，唔够香，好普通。白汁海鲜焗意粉，个汁有啲淡，食到胡椒味粉，意粉烚到有啲过淋。邪恶金沙西多士，份量几多，每件多士都由两块面包组成，上面舖满耐高温黑白朱古力粒，唔会因为西多士热而溶晒影响卖相，有心思。透心凉粉冰(奶茶)，无特别。