珍姐海鮮火鍋飯店

营业中

休息中

book位book左两个月既打边炉俾左我地好强烈既期待感。呢度既气氛营造到旧式经典香港冰室既感觉，员工既穿著都比较偏向冰室伙计。汤底系预先预订既椰子竹丝鸡，一上桌店员会建议我地先饮下𠮶汤底，一入口就有十分清甜既味道，椰汁同鸡熬出黎既味道好夹好够味，应该熬左唔少时间。试完𠮶汤底之后打边炉就正式开始，啲配料就慢慢陆续呈上。我地之前订位𠮶阵都预订左一份海鲜拼盘，有蚬、大虾、蚌、蛏子。海鲜拼盘好新鲜，每样材料都好靓煮完超容易脱壳，入口鲜味十足，而且吸收晒汤底既味道超好味！不过对应返价钱份量偏少。至于其他配料我地点左猪颈肉、门鳝鱼丸等等，其中鱼丸好弹牙好新鲜比较惊喜，其他配料就普普通通冇乜特别。总结黎讲，呢度虽然气氛唔错仿效到十几年前既感觉，虽然汤底的确有水准，不过可能预订需要超过两个月时间觉得唔值呢个等候时间，而且价钱偏高，所以令我觉得呢度最多做到不过不失。