有囍 (已結業)

揾地方医肚，路经'有囍'以为系茶餐厅，入到去，点知原来系泰国菜。座位阔落价钱实惠，真系可以媲美茶餐厅👍泰式生虾， 虾新鲜 ，肉身厚，爽甜😋😋😋泰式大虾椰汁汤 ，啲虾膏，虾油沁晒喺汤面，好鲜甜， 椰汁味好香， 酸酸辣辣好滋味👍一碗汤有两只大虾，你一只，我一只，唔使争😜 虾身好大，爽甜😍黄咖哩牛肋条，微辣，黄咖哩的黄色来自姜黄，辣椒的用量相对少得多，是我最喜欢的咖哩。肋条口感紧实又软嫩，油而不腻。铁板蚝饼， 煎得好香😍啲蚝仔好大粒，胀卜卜， 唔腥，鲜甜😋咸鱼炒芥兰，芥兰炒得青青绿绿，爽甜，惹味🤗精粹系啲咸鱼 ， 咸咸香香 ，真系可以送返两碗饭😜雷公啤 ，其鲜味而清爽， 香气久经不散 ，有绵密细泡。倾下讲下 ，原来食咗两个几钟头 ，侍应一啲都唔会催我哋走 ，服务唔错噃👍