影片
更多
2020-12-22
655 浏览
一去到爱群道，就闻到好大阵油烟味，而且有好劲嘅烟飘晒喺条街度，就已经估到舖头离我唔远喇。一去到已经有4，5个人排紧队，职员要求要去到门口位部自助机到买咗食物先至攞飞排队。成间舖头明显有用心装修过，真系好型格，用黑色为主，所以部机都系黑色，而且个介面整得好好，无论系字体定设计都有谂过，好似拣完食物就会有佢铺头嘅马骝头公仔飞落个订单到，好过瘾。门口亦装咗一个向住门口嘅喇叭，好大声咁播住啲英文同日文嘅快歌，相信系等排队嘅人无咁闷，亦可以吸引街上其他嘅人。而且佢唔系播流行曲，所以成间舖头都真系有种味道。排紧队嘅时候先发现原来除咗门口见到入面嘅高櫈之余，原来入面再有门通去佢哋另一间专食和牛嘅贵价餐厅。由于系有到门隔住，就算系去厕所，都仍然有多一道门隔住，所以好神秘，唔系知道入面嘅餐厅究竟系点。听人讲系要先做会员，而且大概一餐要成2千几蚊架！排咗大约半小时有多就到我哋，佢系bar枱设计，但櫈脚无位踩，所以真系要个人用力"kut"高坐上去，矮小嘅我觉得有啲难度haha由于我哋叫咗饺子，所以坐低嘅时候已经有饺子酱汁摆定咗喺枱面。坐定唔使5分钟，饺子已经准备好，然后好快个和牛丼都准备好。佢哋店员兴攞住碟
门口亦装咗一个向住门口嘅喇叭，好大声咁播住啲英文同日文嘅快歌，相信系等排队嘅人无咁闷，亦可以吸引街上其他嘅人。而且佢唔系播流行曲，所以成间舖头都真系有种味道。
排紧队嘅时候先发现原来除咗门口见到入面嘅高櫈之余，原来入面再有门通去佢哋另一间专食和牛嘅贵价餐厅。由于系有到门隔住，就算系去厕所，都仍然有多一道门隔住，所以好神秘，唔系知道入面嘅餐厅究竟系点。听人讲系要先做会员，而且大概一餐要成2千几蚊架！
排咗大约半小时有多就到我哋，佢系bar枱设计，但櫈脚无位踩，所以真系要个人用力"kut"高坐上去，矮小嘅我觉得有啲难度haha
由于我哋叫咗饺子，所以坐低嘅时候已经有饺子酱汁摆定咗喺枱面。坐定唔使5分钟，饺子已经准备好，然后好快个和牛丼都准备好。佢哋店员兴攞住碟食物然后大嗌一句日文 (我都唔知系咩意思)， 然后就举高定喺度比你影相，相信第一次嚟嘅人都一定会忍唔住笑，我就梗系即刻攞起部手机影相啦。
然后枱面好有趣地都会有个手机座，佢𠮶度写话比你摆部手机录影你食拉面嘅过程。同埋因为佢个厨房系完全开放式，见到晒入面，连一块胶片或者玻璃都无，所以好明显佢哋执到个厨房非常干净，完全唔见到有油渍。亦都可能系e个原因，佢哋强劲嘅抽油烟机已经抽晒啲油出街。
首先讲个饺子，个人觉得几好味，佢煎得啱啱好，唔会太脆口，但系和牛嘅味就唔系好食得出。但如果当系普通饺子嘅水准就真系几好味，连埋佢𠮶个酸酸地嘅汁好夹。
至于个和牛丼，第一啖食落口唔会有入口即溶嘅感觉，但系系易咬开同埋够油份。但因为一碗入面有好多片，唔同cutting，所以有啲cutting会连筋或者有肥肉，𠮶啲部分我就觉得好难咬，所以唔多喜欢。初头我好担心佢好似花形咁包住个饭，我好难笃烂个啲牛肉去
同个饭一齐食。点知食到个饭𠮶时佢哋好细心仲有啲牛肉碎喺个饭入面，咁就唔会净系食饭咁寡喇。同埋只蛋都系啲靓蛋，好好味。
和牛丼
34 浏览
0 赞好
0 留言
和牛饺子
30 浏览
0 赞好
0 留言
张贴
