Amaroni's New York Italian Restaurant & Café (又一城)

营业中

休息中

唔知点解成日都觉得九龙塘好似好远, 所以好少去, 不过今日就发现其实呢个地方都几方便。餐厅装修比我一种传统外国餐厅嘅感觉, 周围都有唔同嘅圣诞装饰, 好有圣诞气氛。🍽 香草蒜蓉面包面包软林林, 有淡淡香草味, 配埋意大利黑醋食, 酸酸地, 好开胃。🍽 柠檬香草软壳蟹软壳蟹偏细只, 炸得比较干身, 不过好脆口, 柠檬香草酱好香同清新, 蘸埋一齐食味道好夹。🍽 莎乐美肉肠车厘茄批Pizza 分成9件, 系薄身嘅Pizza, 每一件都有莎乐美肉肠, 加埋芝士蕃茄酱同罗勒叶, 味道互相配合, 不过Pizza底太d 油, 好快就有油腻嘅感觉。🍽 Tropical (香蕉, 菠萝, 奇异果, 芒果, 椰子水)比想像中细杯… 可能太多生果, 所以每一样嘢嘅味道都唔太突出。整体食物饮品都不过不失, 不过唔会令人有必去无疑嘅决心。