北海道牛乳蛋糕

营业中

休息中

经过几次呢间舖头，见到啲蛋糕都好想食， 不过都系食饱咗， 今日终于可以试下啦。就咁见到啲蛋糕摆晒喺度，个样都好靓，花多眼乱，唔知食咩好。不过我知道自己眼阔肚窄，所以都系拣咗一个最想食嘅。京都抹茶麻薯红豆挞自己好钟意食抹茶味同埋麻薯，所以呢个挞一定系首选。 见到用店员用个盒装住，觉得个包装都几靓。因为只有外卖，冇得堂食，所以迫于无奈喺附近嘅公园到打开，影下相，食咗佢。蛋糕嘅cream有一定嘅高度 ，原来个盒盖唔够高，所以店员盖起嘅时候，个蛋糕已经破坏咗，冇喺舖头度咁靓。挞皮好脆，抹茶cream好软滑， 上面有好甜嘅红豆，呢个味道配搭几平均，食到抹茶味。中间一大块麻薯， 几烟韧。 我觉得整体几好食。 如果可以送埋匙羹就更加方便啦。下次要试埋其他款式嘅甜品先。