影片
更多
2011-03-28
168 浏览
12月31日, 嚟到2010年最后一日, 继续有大食大~!!! 其实本身都无谂过会去到沙田2+2呢度食buffet… 不过咁啱有张大除夕嘅free dinner buffet coupon, 所以就嚟咗试下~ 今晚个场大部份都比同一间公司包起晒, 全部人都系手持coupon排队入座, 仲有好多人系互相认识嘅添!::: 海鲜冷盘类 ::: 首先必食有专人即席开壳嘅翻本食物生蚝! 蚝身细只但颇鲜味, 质地creamy唔腥~ 系出乎意料地好味! 其他海鲜仲有龙虾、蟹脚、翡翠螺、青口、冻虾等~ 开边龙虾都叫有d肉食, 仲有少少虾膏, 但唔够新鲜, 肉质亦欠弹性. 蟹脚反而唔错~ 几多肉而且味道鲜甜~ 呀比食咗好多只! 其他如翡翠螺、青口、冻虾都唔差, 都叫食得过~::: 刺身沙律类 ::: 刺身款式都系三文鱼、吞拿鱼、八爪鱼呢d大路野, 都系有师傅即叫即切~ 我地净系要咗三文鱼, 都油润肥美!沙律都几多款, 凯撒、和风、墨西哥、意粉沙律等都有, 仲有d烧彩椒、茄子、菇类等选择, 基本上d蔬菜够新鲜, 所以好难唔好食! 仲有三、四款cold cut, 肠仔, 烟三文鱼同芝士等, 呢d就一般货色而
::: 海鲜冷盘类 :::
首先必食有专人即席开壳嘅翻本食物生蚝! 蚝身细只但颇鲜味, 质地creamy唔腥~ 系出乎意料地好味! 其他海鲜仲有龙虾、蟹脚、翡翠螺、青口、冻虾等~ 开边龙虾都叫有d肉食, 仲有少少虾膏, 但唔够新鲜, 肉质亦欠弹性. 蟹脚反而唔错~ 几多肉而且味道鲜甜~ 呀比食咗好多只! 其他如翡翠螺、青口、冻虾都唔差, 都叫食得过~
::: 刺身沙律类 ::: 刺身款式都系三文鱼、吞拿鱼、八爪鱼呢d大路野, 都系有师傅即叫即切~ 我地净系要咗三文鱼, 都油润肥美!
沙律都几多款, 凯撒、和风、墨西哥、意粉沙律等都有, 仲有d烧彩椒、茄子、菇类等选择, 基本上d蔬菜够新鲜, 所以好难唔好食! 仲有三、四款cold cut, 肠仔, 烟三文鱼同芝士等, 呢d就一般货色而已.
::: 热盘荤肉类 ::: 热盘类真系杂不甩乜都有! 有d中式牛柳、蒸鱼、萝卜焖牛腩、烧汁鸡扒、烧鹅、西兰花、炒饭炒面等等等等… 竟然仲有烧乳鸽! 我地每样都试咗少少, 但大部份味道偏淡, 肉质都系韧韧硬硬偏多, 都数唔出边样系比较好…
西式野有d白酒煮青口, 芝士白汁千层面, 炒杂蔬等, 味道ok但就比较油腻… 仲有d印度野, 咖哩鸡羊鱼同杂菜基本上都系同一个味, d黄饭就过硬, 印度薄饼就过咸… 都系好一般…
另外有d烧牛肉、豚肉, 都系师傅即叫即切~ 但肉质一系太实一系太霉, 又无肉味… 实在系难食!
::: 厨师即煮类 :::厨师即煮类中首推现炸天妇罗, d虾虽然细细只但胜在炸得颇脆, 仲有其他天妇罗杂菜都唔错~ 美中不足系因为太多人拎, d天妇罗都无时间整干身, 所以都几多油…
炉端烧个counter就长期烟雾弥漫… 但d烧物都系普通野~ 味道亦偏咸…
仲有个呀菲成日都好期待但好少会遇到d出色嘅即煮意粉档! 要咗白汁煮墨鱼面加虾、蚬肉、青口同三文鱼, 望到个乱兜一通嘅卖相已经唔多开胃… 味道上有d调味料唔匀边咸边淡嘅情况… 配料味道亦唔太新鲜… 比较失望.
::: 雪糕甜品类 :::有两大架雪糕车~ 其中一架系haagen dazs! 各车分别有6同4只味, 总会有只味道啱你~ 都系由专人服侍帮你毕嘅, 但个专人唔系长驻架, 有时行开咗就要等下佢返黎… 如果可以自己嚟就无咁麻烦!
其他雪糕以外嘅甜品当然唔少得各式各样嘅cake! 有普通 cheesecake、blueberry cheesecake、chocolate cake、tiramisu、开心果mousse cake、柠檬蛋糕、咖啡蛋糕甚至炖蛋同窝夫都有! 全部都系细细件bite size其实几体贴~ 可惜只有cheese cake同chocolate cake呢两样味道够浓较好, 其他质素都相当一般…
同场仲有生果同朱古力喷泉¸ 但都系麻麻新鲜同埋有d似浸过糖水…
仲有部咖啡机! 都ok 架
呢度地方好大~~~ 食物分两边摆, 都算几多野食! 但如果安排坐喺中间位置要拎野食都比较麻烦… 虽然呢度有生蚝蟹脚等翻本食物, 又有gimmick野如即叫即煮counter同天妇罗呀炉端烧等等… 食物种类都几多, 可惜就无乜边样食物系特别出色, 尤其d热盘同甜品表现颇差! 如果要比正价嚟食… 实在唔系几值…
张贴
