吉野家 (已結業)

自从吉野家出咗芝士鸡煲之后，我一路都好想试吓，上星期六终于氹到男朋友陪我去食。虽然系星期六，而且我哋喺旺角，但系上到吉野家都唔算好难揾位，而且呢度嘅装修每个位都有一个电磁炉，睇嚟呢度晚市应该净系做火锅。个芝士火锅好精致，有一块纸装住晒所有芝士同鸡件同埋芝士丸，上面仲沈左好多芝士粉同埋加左好多芝士碎，个餐会附送一杯汤，我而家谂返应该系食乌冬嘅时候先加，但系我惊个芝士太浓好容易会窿底，所以一开始就倒左一半落去啦。但系原来无论你家几多汤落去，最终都会好快窿底，都唔够10分钟，我已经闻到有阵唔应该出现嘅味，咁我就嗱嗱声食晒里面啲嘢先啦。鸡件都算嫩滑，加埋啲芝士真系一绝，但系我实在太早茄汤啦，令到啲芝士冇咁稠，早知咁快窿底，我就唔会加汤啦。芝士丸个皮有啲硬，令你唔知道佢几时熟，但系里面啲芝士好正，可以做到拉斯嘅效果。煮煮下就会变到好似下面幅图咁样，有好多黑色嘅获捞走咗出嚟，最严重都系加乌冬𠮶阵时，啲乌冬索晒个汤浸啰味，其实我都算好忍得架啦，但系果一刻我真系食唔落。临走嘅时候见到全场都无人食芝士鸡煲，睇来佢哋已经有好丰富嘅经验。