影片
更多
2021-01-15
6694 浏览
呢间新开嘅过江龙甫开业已经日日爆满，如果想食到嘅都要提前至少一星期订枱，今次就拣咗呢度食生日饭，不过贯彻唔少过江龙新开张既问题，就系服务水平比较参差，有部份侍应全晚手脚颇慢，成日漏单又上错菜，本身仲order咗signature既原只蒸龙虾都漏咗单无得食，不过都有部份侍应态度非常好又送甜品，希望迟d服务水平可以稳定d好d啦。龙虾浓汤质感浓稠creamy，有浓郁嘅龙虾鲜味同海水味，饮到最后有少许咸，不过整体都ok，单点价格颇高。红龙虾最爱车打芝士松饼呢度最signature嘅反而唔系龙虾，而系呢个免费任叫嘅cheese scone，一开始就会放一篮系度，之后再要嘅话先再order。食嘅时候仲系暖暖地，入口唔算脆但系几松化，有淡淡嘅芝士味，咸咸地几得意，就连唔食芝士嘅妈咪都钟意。新苏格兰龙虾海鲜锅（2－3人用）非常具分量嘅龙虾锅，2－3人份量有3只龙虾尾，扁意粉、青口、虾、鱿鱼等，虽然唔系原汁原味，但都食得出龙虾好新鲜，唔系完全熟到d肉全部白色，仲有少少半透明，肉质爽弹、弹牙，煮得啱啱好。个白酒汁就比较稀，有淡淡奶味，正正常常唔会盖过龙虾本身嘅甜味。大虾三重滋味拼盘呢度除咗龙虾之外都有唔少
龙虾浓汤
质感浓稠creamy，有浓郁嘅龙虾鲜味同海水味，饮到最后有少许咸，不过整体都ok，单点价格颇高。
红龙虾最爱车打芝士松饼
呢度最signature嘅反而唔系龙虾，而系呢个免费任叫嘅cheese scone，一开始就会放一篮系度，之后再要嘅话先再order。食嘅时候仲系暖暖地，入口唔算脆但系几松化，有淡淡嘅芝士味，咸咸地几得意，就连唔食芝士嘅妈咪都钟意。
新苏格兰龙虾海鲜锅（2－3人用）
非常具分量嘅龙虾锅，2－3人份量有3只龙虾尾，扁意粉、青口、虾、鱿鱼等，虽然唔系原汁原味，但都食得出龙虾好新鲜，唔系完全熟到d肉全部白色，仲有少少半透明，肉质爽弹、弹牙，煮得啱啱好。个白酒汁就比较稀，有淡淡奶味，正正常常唔会盖过龙虾本身嘅甜味。
大虾三重滋味拼盘
呢度除咗龙虾之外都有唔少大虾嘅菜式，呢一个就可以试到三款唔同整法嘅虾，包括炸虾、蒜蓉焗大虾以及龙虾酱大虾意粉，意粉唔错，酱汁唔多但系食到龙虾味，意粉质感弹牙，其余两款就正常冇乜特别咁啦。
西冷／肉眼（7安士）
虽然呢度既menu都几重视surf & turf（海陆两款肉类），有肉眼、西冷同牛柳拣，唔记得咗嗌咗肉眼定西冷，骤眼睇系非常之薄身，虽然煎到卖相几靓，有明显格纹，不过肉味唔够，太薄身，整体麻麻地啦，证明专食海鲜嘅话，就唔需要再叫其他肉类喇。
薯蓉、黑松露薯条
我哋叫咗几款side dishes，有薯蓉、薯条、杂菜同烤薯，不过最尾杂菜同烤薯就唔见咗，变咗2碟薯蓉同2碟薯条。不过薯蓉就几好食嘅，质感软滑creamy有明显薯仔香味，配埋面头嘅芝士酱同sour cream都唔错。另外薯条都几好食，切得幼身，炸得香脆，有淡淡黑松露味，配埋茄汁同千岛酱，我个人就觉得点千岛酱比较夹黑松露味喇。
巨浪朱古力蛋糕
因为蒸龙虾漏咗单又卖晒，所以最尾就送咗呢个甜品俾我哋，上枱嘅时候侍应会系只碟底下既干冰注入水，即时有唔少烟飘出嚟，可以打卡。讲返个甜品，属于比较硬身嘅质地，质感厚实，配埋云呢拿雪糕食可以解腻，不过食到咁饱一定要几个人share，如果唔系就好漏喇haha。
人均消费：$180
推介指数（10分为满分）：6.5分
张贴
