木槿花韓牛專門店 (已結業)

话说我同为食bb都系韩粉, 一年都会去一次韩国，除左可以疯狂shopping，韩食都好啱我地口胃。自从上年去过首尔马场洞韩牛市场食1++韩牛之后，就一直对韩牛念念不忘，今次可以喺香港食到，我地都好高兴，虽然价钱比喺韩国食贵，不过话哂咁大只牛要飞过黎，要运费都可以理解。先讲环境，唔算好有情调, 上层较好，但下层灯光火猛，有咩瑕疵都睇哂，不太适合首次约会。至于食物，有我最钟意嘅生牛肉tartar，好鲜味，如果多d梨丝同加只蛋会更好基本上都好有风味, 如果可以冻少少, 雪梨丝多少少，口感会更清爽！食完前菜到主角─烧肉叫左个招牌套餐, 本来包四款肉，不过经理话果日得三款靓, 所以变成三款, 份量当然要增加返啦！查实我都唔系咁记得d肉边款打边款, 虽然个经理有介绍只记得最林系呢只除左套餐, 仲有单点, 呢度sell自己有d罕有部位, 就叫两款试下云白肉，睇落好肥，烧完白色部份好爽口，唔油冇记错系肌里脊，好林其他杂食，最钟意系炸杂菜, 南瓜好甜~ 水冷面就唔够酸啰，希望改善。四个人食， 计埋酒水(饮左韩国米酒同手工啤)，埋单3千, 都唔平，不过去得中环，预左，飞唔到去韩国，唯有黎呢度解下「乡愁」啦