味道樂居酒屋 (元州街) (已結業)

一向食日本野都钟意去居酒屋，除左气氛好，食物既款式同质素都比放题好！今日我同朋友就受其他朋友推介下揾食揾到黎长沙湾，一入黎见到呢到既装修充满日式怀旧居酒屋风格，再加上地方唔算太大，感觉就更加似日本既居酒屋小店。呢到既食物款色都几多，无论刺身、寿司、串烧或料理都有好多款式可以拣。我地今日就主要食串烧同料理为主。首先就有七味鱼翅渍物 ＄68，呢个其实系烧鱼干，开头见佢咁干身都惊佢会好硬，但食落又唔会㖞而且好香口，配唔配沙律酱都好够味。 唔系好多居酒屋有白鳝 串烧食，见到呢到有汁烧大白鳝 ＄68即刻点左。 而呢个大白鳝都好出色，肉质肥厚同嫩滑，同埋个烧汁都好好味。芝麻鸡翼 ＄58 呢就外面脆薄，肉质嫩滑，同埋本身都好够味。 而黑蒜黑豚肉卷 ＄48都唔错，豚肉唔会好韧而且仲好爽口。 全晚最期待一定系呢份原条成田酱炭火烧鳗鱼饭 ＄128，条鳗鱼真系有成2x cm 长，而且仲好肥厚。鳗鱼既外层有微微焦香，肉质嫩滑同较腍，秘制酱汁味道好浓郁，甜甜地好好味，配埋个珍珠米饭真系冇得输。总括黎讲，呢到既食物质素都几高，价钱都合理，所以我觉得呢间小店都值得支持下！